Kum 70 din champhaphak, Platinum Jubilee lawmna chuan a vawrtawp a thleng ta.
Nilaini, 24th June, 2026 zing karah Jubilee dar chu Pu Lalngaihawma Khiangte, Treasurer chuan kaihruaiin kan Branch hruaitu hlui (OB) te, Kohhran Committee te, Pastor/Pro Pastor te, Central KTP hruaitu te, bial KTP hruatu te, kan Branch Committee Member te, Kohhran hmeichhe OB te, Kohhran Pavalai Pawl OB te, Missionary te leh Tv LC Nunga leh Tv Zaduhkhuma ten an vua a ni.
Platinum Jubilee Lungphun chu Pu PC Lianhlira'n a hawng bawk.
Chawhma lamah Pathian biak Inkhawm neih a ni a. Nl Lallawmawmi, Committee Member chuan kaihruaiin Pu Lalbiaktluanga, Committee Member chuan tanna hun a hmang. Kohhran Zaipawl, Hnahlan Pastor bial Zaipawl, One in Chirst, Tv Zorinsanga Sailo, Nl Melody Lalzarlianite an zai a, Speaker Pu Laldinpuia Tlau chuan thupui a sawi.
Jubilee kan hman lawmpuina Branch dangten min pekna hun hman a ni a, kan Branch hruatu hluite chawimawina neih a ni bawk.
Chawhnu 2 p.m chhoah Vawk 2, Bawng 2 leh Ar hmanga Jubilee lawmna ruai siam chu theh a ni.
