KRISTIAN THALAITE LEH YMA

- Lalrinhlua (Buanga)

Kristian thalai pawla inhmang takte hi YMA chet channaah hian kan lang tam lo hle, a bikin hruaitute ngat phei chu hmuh tur mang kan awm ngai lo. Chuvangin, in enchian kan ngai tak zet! Enga kan ngaih loh zu ngawl vel, biak in hnaih ngai lote hi ania YMA hnatlan ni leh thlanlaih nikhua lang tam zawk thin! 

Enga kan ngaih lohte hian eng tin nge min ngaih ang le? KTP leh YMA-te hi thalai pawl ve ve an ni a. Pakhat chu kohhran thalai, Kohhran tana an theih tawp chuah a; upa zawkte vawnchhan leh naupang zawk te kaihruai tur kan ni. YMA pawh khawtlanga chhiattawk te tan leh harsatna tawk te thlamuan tur leh a theih ang ang a tanpuitu tur kan ni. Khawtlang a awm chuan kohhran a awm thin. Chuvangin, kohhran thalai kan nih chuan khawtlang thalai kan ni tih hi inhriatchian a pawimawh!

KTP leh YMA ah hian kan theih ang ang a tel ve hi a tha hle a ni. Kohhran bel tlat leh YMA-a inhmangte hi khawtlang mipuiten kan dah sang! Eng anga rethei pawh nise kan zah nge nge thin! Pawlho reng rengah hruaitu atan kan duh nge nge thin! 

KTP thiltum pakhatnaah pawh khan Isua Krista anna kawnga thalaite hruai a ni a. Kohhranah ngawt chuan kan inhnuk hnai tak tak thei thin lo! Khawtlang nena kan tan kawp erawh chuan hei ai hian kan thalaipuite hi Isua lam vawiinah kan panpui pui thei ang!